স্বপ্নালী কলিতা
এদিন পুৱা ককাৰ পিঠিত লতা উঠি ল’লে
ককাক বোলে, ব’লা ককা এৰাবাৰীৰ ফালে৷
ককাই বোলে হেৰৌ লতা!
ক’লৈ যাৱ তই?
এৰাবাৰীৰ আমৰ তলত
ভূতৰ আপোন ঘৰ৷
ককা, ককা কিনো কোৱা!
সকলো যে মিছা,
যোৱাৰ ভয়ত কিয় তুমি
মিছা মাতি আছা!
ভূতৰ ঘৰত বহি আমি আমৰ জুতি ল’ম,
ৰাহি হোৱা দুটা বাৰু ভূতলৈও থ’ম৷
আমাৰ স্কুলৰ ৰাতুল ছাৰক
তুমি যদি চিনা,
তেনেহ’লে ছাৰে কোৱা
কথাখিনি শুনা৷
বিজ্ঞানে আমাক দিছে নতুন নতুন দান,
ভালদৰে চিনি-বুজি লোৱাই আমাৰ কাম৷
ভূত বুলি একো বস্তু পৃথিৱীতেই নাই,
ভয়ৰ বাবে সকলোৱে ভূত দেখা পায়৷
সেয়ে ককা, ব’লা ব’লা, এৰাবাৰীলৈ যাম,
গছে-বনে কথা হোৱা উলাহেৰে চাম৷
পকা আমৰ ৰঙা ডালত হাঁকুটি লগাম,
আমৰ কলি চুপি চুপি বনৰ শোভা চাম৷
লতাৰ কথা শুনি ককাৰ হোৰাল মুখৰ বাক্,
খোজ ল’লে মনে মনে পিঠিত উঠাই লতাক।
ঠিকনা :
বৰটিং নাওশলীয়া
জিলা: গোলাঘাট(অসম)
পিন: ৭৮৫৬২৬
ফোন নং: ৯১০১৮৪০৭৫৭
পূৰ্বৱৰ্তী পৃষ্ঠা পৰৱৰ্তী পৃষ্ঠা